Primary 1 Registration

Phase 2C na ng registration. Pwede na naming ipa-register si Kenkoy.

May update na sa website ng Ministry of Education. Pati yung 2nd choice namin naging popular school na rin this year, wahhhhh! New school kasi yun eh. Ngayon popular na rin sya. First day pa lang ng Phase 2C both 1st & 2nd choice namin ang nagpa-register ay over na sa available slots. Siguradong balloting na.

Ngayon ko lang na-realize na ang dami rin palang bata dito sa S'pore. Hehe!

Sana mapili pa rin si Kenkoy sa school na gusto namin. Sana po Lord dinggin Nyo ang aming panalangin. Maraming salamat po.

Sweet Kuya

Gawa ni Kenkoy kagabi bago sya matulog...

(photo is bigger than the actual size)

Maraming puso kasi love na love nya raw ang kapatid nya. Yung hanger eh naisip nya lang i-drawing (hehe) kasi nagtitiklop ako ng mga damit kagabi... kaya nakita nya rin yung hanger.

Sobrang love nga ni Kenkoy si Aaron/Andrea. Araw-araw patutugtugin nya ang Baby Mozart CD para daw kay baby. Pag may kinakain sya, laging magtitira sya ng food at isusubo sa akin... para daw kay baby. Pag naglalaro sya, maglalagay sya ng toy(s) sa tummy ko... para daw kay baby. Pag nasuka ako, nira-rub nya ang likod ko.

Ang thoughtful. Ang sweet. Sarap maging Kuya ni Kenkoy :)

Asia's 5th Most Expensive City

Ang taas na pala talaga ng cost of living dito sa S'pore. Pang-5th na daw sa Asia. At pang-13th sa buong mundo.

Sa Asia
#1 Tokyo
#2 Seoul
#3 Hong Kong
#4 Osaka
#5 Singapore

Maternity Clothes

Pinadala na raw ni Mommy ang maternity clothes ko. Tanda ko pa kung saan ko tinago yun. Sabi ko nasa left side ng cabinet sa room ko. Hehe! Pero sabi ng sister ko binilhan din daw nila ako ng bagong pambuntis. Yayyyy! Sarap ng pampered sa pamilya :) Sana maganda yung mga damit. Sana bagong designs. Sana ayos ang kulay. 7 yrs ago na kasi yung mga dating pambuntis ko.

Primary 1 Registration Exercise

Iba ang sistema ng enrollment dito sa Singapore. Hindi gaya sa Pilipinas na malaki ang chance na maipasok sa school na napili as long as kaya ng bata at may pambayad ang mga magulang (hehe). Dito unahan sa mga eskwelahang may magandang record/reputation.

Priority ang mga batang may kapatid sa nasabing eskwelahan.

Priority din ang mga batang nakapag-volunteer ang magulang sa nasabing eskwelahan.

Mas malapit sa school ay may advantage din dahil priority sila.

Sa unang school na napili namin para kay Kenkoy, sa isang website within 2 km radius daw kami. Sa isang website naman ay 2.7 km daw. Eh dun pa naman sa 1st choice namin, balloting talaga every year. Eh kung beyond 2 km pa kami eh di paktay na. Huli na kami sa priority.

Yung 2nd choice naman namin, within 2 km kami. Minsan may balloting ito. Minsan sakto lang sila. Magta-take chance pa kaya kami sa 1st choice namin? Ang kinakatakot ko kasi kung saka-sakaling hindi kami mabunot sa 1st choice tapos wala na ring slot sa 2nd choice eh sa 3rd school na kami. Pinakamalapit itong 3rd school kaso ang problema eh hindi maganda ang record. Pinaka-ok talaga yung 1st school kasi ok naman yung standing nya sa national level. Hindi ganun kataas pero may nagta-top pa rin sa PSLE at malaki ang precentage ng pumapasa sa PSLE. Yung 2nd school, medyo ok din ang record.

July 28-30 ang registration. Nananalangin ako na makapasok si Kenkoy sa 1st school na napili namin. May 113 slots pang natitira. Sana isa si Kenkoy sa mapipili.

*****
PSLE -- parang NCEE ata ito sa Pilipinas. Pero sa Primary ito (Grade School).

The Primary School Leaving Examination (PSLE) is a national examination, which a pupil sits at the end of primary education.

PURPOSE OF PSLE
The purpose of PSLE is to assess pupils' suitability for secondary education and place them in one of the appropriate secondary school courses, which match their learning pace, ability and inclination.

Based on their performance in PSLE, pupils are streamed into the Special course, Express course, Normal (Academic) course or Normal (Technical) course in secondary school.

Kenkoy's Own Bed

Kagabi nagsimulang matulog si Kenkoy sa sariling bed nya. Same room pa rin kami pero may sarili na syang bed. Tuwang-tuwa. Nakatulog naman sya sa bed nya. Tuwa din ako. Pag kagising ko katabi ko na naman sya... nasa gitna na naman namin ni Labs si Kenkoy. Ngeks! Ang hirap daw matulog mag-isa. Sabi ko eh paano yun kahit hanggang pagtanda nya nasa gitna namin sya ni Labs. Oo daw. Nge, paktay!

Sino Maganda?

Padalaw dalaw ako sa forums para makibalita ng tungkol sa Lobo. Tapos may isang picture na nandun si Shaina Magdayao, Dimples Romana & Angel Locsin. Tinanong ko si Kenkoy kung sino ang pinaka-maganda. Si Lyka daw (character ni Angel sa Lobo). Pareho kami ng taste, hehe! Tapos sabi ko eh kung ako ang pang-apat dyan sa picture, sino pinaka-maganda? Walang kakurap kurap na sumagot si Kenkoy --- Lyka... and Mama! Ayos! Bolero talaga ang anak ko, haha!

Competition

Kanina ko lang nalaman na pili lang pala ang mga kasamang bata sa Inter-Racial Inter-Religious Music and Dance competition na sinalihan ni Kenkoy. Akala ko buong klase nila ang isinama. Mga 12 na bata lang daw ang representative ng school sabi ni Labs. Sayang lang hindi ko napanood si Kenkoy. Suot ni Kenkoy ang Philippine national costume. Ang gwapo ni Kenkoy pag naka-Barong :) Sana may photo o video na ibigay ang teacher. Sabi ni Kenkoy ay ipapalabas daw sa tv pero di ko pa nako-confirm sa teacher nya. Sana nga totoo para mapanood ko din.

Pampalakas ng loob

Medyo nahimasmasan na ako. Ok na kami ni Labs. Hindi pa naman confirmation ang sinabi ng OB. Possibility pa lang. Kaya ibig sabihin may possibility rin na normal si Aaron o Andrea. Patuloy kaming aasa at magtitiwala sa Diyos. Tanggap na namin kung ano man ang will ni Lord. May His will be done :)

Hindi lang siguro maganda ang pagkakasabi ng OB ko kasi mas nag-focus yung explanation nya sa possibility na may diperensya ang bata. Ni hindi man lang nagsabi ng comforting words. Pero eto nahanap ko sa net. Post ko lang isa sa mga magandang balita na nabasa ko sa net...

However, it should be emphasized to the parents that increased nuchal translucency thickness per se does not constitute a fetal abnormality and, once chromosomal defects have been excluded, about 90% of pregnancies with fetal translucency below 4.5 mm would result in healthy live births; the rates for translucency of 4.5–6.4 mm and 6.5 mm or more are about 80% and 45%, respectively.

Pampalakas ng loob :) Sana tulungan nyo po kaming magdasal hanggang sa makapiling namin si Aaron o Andrea. Sa ganitong balita at sa tulong ng Diyos, umaasa talaga ko na healthy & normal si bunso.

Maraming salamat sa inyong lahat. Buong buhay kong aalalahanin at pasasalamatan ang pagdadasal nyo para sa amin :)

Aaron

Medyo ok na ako ngayon. Bahala na si Lord :) Sana dinggin Nya ang kahilingan namin.

Pinalitan na pala namin ang pangalan kung magiging boy ulit ang baby namin. Hindi na Adrian. Hindi kasi nagustuhan ni Labs ang meaning ng Adrian.

Aaron ang napili ni Labs. Ang ganda sobra ng meaning ng Aaron kaya kahit madaming klaseng pronunciation para sa pangalan na yun eh pumayag na din ako. Saka na lang namin pagde-desisyunan kung ano nga ang gusto naming pronunciation para kay Aaron pag naging boy nga ulit si baby.

Muli, salamat pala sa mga prayers nyo for Aaron or Andrea.

Please pray for Aaron or Andrea

Banggitin ko na ang tunay na pangalan na napili namin para kay Kenkoy II o Kikay para maibanggit nyo po kay Lord.

Humihingi po ako ng tulong sa lahat na pakisama naman po sa inyong dalangin si bunso --- si Aaron o Andrea. Pakibanggit po sya kay Lord.

Galing kami sa check up kanina. Ultrasound ulit. Depressing ang result. Maaring special child daw si bunso. Maari ring may sakit sa puso. Sabi ng OB kailangan pa raw ng further tests para matukoy nga. Ayaw ni Labs kasi wala rin namang gamot habang ipinagbubuntis. At saka sabi namin sa OB na hindi naman namin option ang abortion. (Legal kasi ang abortion dito sa S'pore.)

Matatanggap ko naman kung special child. Kahit dati pa alam kong mamahalin ko pa rin ang anak ko kahit hindi sya normal. Kaya lang kung pwede lang sya ma-spare sa sakit at hirap, sana pwede kong magawa yun.

Pero baka daw sakit sa puso. Ito hindi na nakakabigla. Si Kenkoy kasi may congenital heart defect din. Ganun din ang Ate ni Labs. Nasa lahi. Kaya lang parang mas ok pa nung kay Kenkoy kasi nalaman namin nung naipanganak na. Hindi tulad ngayon na 7 months pa. Depressing.

Ayoko sanang i-blog ito kasi malamang makakarinig ako na kawawa naman si baby kaya lang kailangan ko ng dasal kaya nilagay ko na rin sa blog. Wala po sanang magsabi ng kawawa si baby. Hindi sya kawawa. Yun ang ayokong marinig sa ibang tao. At kahit anong mangyari, mahal na mahal pa rin namin si bunso.

Muli, humihingi ako ng tulong sa inyo na paki-dasal si Aaron o Andrea na maging normal baby sya.

Maraming maraming salamat :)

Negative Weight Gain

Tama ang pakiramdam ko. Pumayat nga ako. From 45 kg last month, 43 kg na lang ako ngayon. Hirap talaga ng 1st trimester ko. Kay Kenkoy noon, pababa rin ng pababa ang timbang ko. 3 kg naman ang binaba ko kay Kenkoy sa 1st trimester.

Friendster Testimonial & Comment

Kaka-post lang ng kumare ko sa Friendster...

Lit Coo is pretty and cute...and always looks fresh and young for her age..probably because of her height din hehehhe..peace! Honestly, kung naging lalaki ako at nakilala ko sya nung single pa sya..liligawan ko sya! I always say this to hubby whenever we talk about Lit Coo's Family and the tropa...and hubby would smile...He knows that i've always been a fanatic of real beauty...and that is Lit Coo. Congrats to the new baby...take care of urself and your 3 babies. God bless!

Eto ang masasabi ko sa 'yo Mare...

Natawa ko nung nabasa ko ang testimonial mo. Girl crush. Ang galing mo ah. Di ko nahalata yun. Sa susunod na pagkikita natin hindi na pwede mag-beso beso... may malisya na... LOL!

1st picture ni Kenkoy II o Kikay

Kahapon ng bandang alas sais y medya ay nag-bleeding ako. Nag-sms ako kay Charmed at sa isa pang SG NAWie para sa mga payo nila. Pa-check up daw kaya pumunta agad kami ni Labs at Kenkoy sa KK 24-hour clinic.

Kinabahan ako. Kamakailan lang ay napaginipan ko kasi na dinugo ako. At saka next week pa ang scheduled 1st ultrasound ko kaya hindi ko alam kung ok nga ba si baby o baka blighted ovum. Nagdasal ako kay Lord. Napa-iyak na rin ako. Kako bahala na Sya. Kung saka-sakaling may abnormalities si baby at mahihirapan/masasaktan lang sya na mabuhay sa mundo, tinatanggap ko na kung kukunin na sya ni Lord ngayon. Pero kung healthy and normal naman si baby, dinalangin ko na sana umabot hanggang sa full term. Pinaubaya ko na kay Lord ang desisyon.

Pag dating sa clinic, inultrasound ako. Hindi pa pala pwede maki-silip sina Labs at Kenkoy kasi trans-vaginal ultrasound. Laking pasasalamat namin kay Lord at maayos naman ang kalagayan ni bunso. Kailangan ko lang daw magpahinga at binigyan ako ng gamot para mag ok ok ang aking hormones.

Maselan nga ang pagbubuntis ko ngayon. Pwede ring mas marami kasi akong physical activities ngayon dahil wala naman kaming helper dito. Dati kasi nung kay Kenkoy eh nasa Pinas ako... alagang alaga ako ng mommy ko... buhay prinsesa ako dun, hehe...pahinga talaga ko nun.

Eto nga pala ang 1st picture ni Kenkoy II o Kikay...

Sino ang kamukha? Hehehe!

*****
blighted ovum -- walang naging embryo. Sac lang ang meron. Kadalasan daw pag may abnormalities ang nagsamang egg & sperm cells ay nagiging blighted ovum para hindi na matuloy ang pagbubuntis.

Lobo

Malapit na ang pagtatapos ng favorite tv show ko sa ngayon... ang Lobo. Lurker ako sa Lobo thread ng Pinoy Exchange (PEX). Nandun kasi karamihan ng mga Lobo addicts. Makaka-relate ako sa usapan, hehe!

At dahil sa nalalapit na pagtatapos ng Lobo, naisipan ng mga fans na mag-ambag-ambag para sa PEX advertisement ng Lobo. Ang ganda ng banner. Makikita sa Pinoy Exchange TV Programs ang banner for 2 weeks. Nakakatuwa makita yung banner kasi nakita ko kung paano nila (fans mula sa Pinas at sa ibang bansa) pag-ambagan yun, kung paano nila pinag-desisyunan ang design at ang mga linya na ilalagay sa PEX ad.

Pinakita ko nga kay Labs. Sabi ko sa kanya Php25K+ yung ad. Gumastos ang fans. Nakatipid daw ang ABS-CBN sa ad. Bakit daw gumagastos ang fans. Ganun naman kako sa simula't-simula pa lang fans talaga ang gagastos para sa mga idolo nila. Kalokohan daw. (Hehe! Hindi maka-relate si Labs sa pagiging fanatic.)