Free Pap Smear

Pagkalipas ng isang dekada ng pagiging Singapore Permanent Resident ay ngayon ko lang nalaman na may free Pap Smear pala. Kamusta naman ako sa pagkahuli sa balita?

 

Please Heal Us, Lord

Hindi maganda ang pasok ng bagong taon. Di na matapos-tapos ang sakit sa pamilya namin.

Una, hives ni Kenkoy nung 15 Dec. Hanggang ngayon medyo meron pa rin. Pagkatapos 10 Jan trinangkaso si Kenkoy II. Birthday pa naman nya. Pagkatapos ni Kenkoy II, ako naman ang trinangkaso. Sumunod si Labs pagkatapos ko.

Tapos nung isang gabi bago matulog sabi ni Kenkoy iba daw nararamdaman nya sa face nya. Ayun, pag-uwi kahapon galing sa school... tabingi ang face nya. Facial paralysis :(

Mamaya punta sila sa duktor. Sana naman gumaling na si Kenkoy. Sana po, Lord, gumaling na po kaming lahat. Healthy 2013 po sana para sa amin. Maraming salamat po.

Baong Sakit

Ang ayaw ko pag nagbabakasyon ay ang tambak na labada, tambak na trabaho pag-uwi sa bahay at ang baong sakit :(

Nung nakaraang taon nagka-stomach flu si Kenkoy II at food poisoning si Labs. Ngayon naman may red spots sa katawan si Kenkoy. Pang-4th day na bukas. Wala naman syang lagnat. Walang masakit sa kanya. Active pa rin. Everything is normal except sa on-off na rashes. Di ko alam kung ano ang nagti-trigger kasi wala naman syang allergy dati.

Sana gumaling na agad si Kenkoy. At sana hindi ito nakakahawang sakit para hindi na kumalat pa.

Medical Check-up

Share Ko Lang...

na nagpa-medical check-up nga pala ako kanina. Sana healthy ako.

Pasa

May pasa na naman ako :( Kanina ko lang napansin habang nagsho-shower. Di ko alam kung kailan sya nagsimula. Di rin masakit. Madalas akong magkapasa sa iba't-ibang parte ng katawan. Kadalasan sa arms & legs. Di naman masakit. Pero bakit kaya ako nagkakapasa? :(

Depression

Balik tanaw: Depression

Nakita ko kanina sa bus stop...

 

Lungkut-lungkutan na naman :(

Kenkoy's Annual Check-up

Oras na ulit para sa check-up ni Kenkoy. Ok na raw ang heartbeat nya sabi ng pedia-cardio nya. Nag-2D echo, ok na raw. Maraming maraming salamat sa Diyos sa pag-heal kay Kenkoy :)

Saglit lang kami sa clinic. Wala pa kasing pasyente. Hapon pa talaga ang appointment namin kaso hindi pwede mag-leave si Labs sa hapon kaya sinubukan naming pumunta ng maaga. Mabuti naman at inasikaso pa rin kami.

Eto nga pala ang Cardiac Centre ng KKH. Ang ganda 'no?

At tingnan nyo, panay malls talaga dito sa S'pore.
Pati sa mismong hospital may mall ;)

At pagtapos naming mag-lunch sa KKH Mall ay pumasok na si Labs sa office at kami naman ng mga bata ay namasyal sa Marina Bay area :)

Diet

5 days lang nag-fruits & veggies si Labs pero ang laki na agad ng ibinawas sa waist line nya. At 3 kg ang nabawas sa timbang nya. Woohooo! Congrats, Labs! Sana magtuloy-tuloy pa hanggang maging normal ;)

Trip to A&E

Hindi maganda ang pasok ng taon na ito. May sakit agad si Kenkoy II. Stomach flu. Tapos may ubo/sipon every month. Kahapon naman may tumawag mula sa school ni Kenkoy. Masama daw ang pakiramdam kaya dapat daw sunduin.

Eh di sinundo ko na nga. Pagdating sa bahay sinukat ko ang body temperature. 38.8C. Ang taas. Di ko alam ang gagawin. Di ako sanay ng nagkakasakit ang mga bata. Huling lagnat nila ay di ko na matandaan kung kailan.

Pinainom ko ng gamot. Walang epekto. Natulog lang si Kenkoy. Wala daw syang gana kumain. Sabi ko magkumot at para pagpawisan. Di naman pinagpawisan. Bumili ako ng Kool Fever... yung nilalagay sa noo. Wala rin effect. Nung dumating si Labs, pinainom namin ulit ng gamot. Ganun pa rin. Nagluto si Labs ng lugaw. Isinuka lang. Pati gamot isinuka. Hindi bumababa sa 38C ang temperature. Kinakabahan na ako kasi ang tagal na. Pinaliguan ko na ng malamig na tubig. Nag-ok ang pakiramdam ni Kenkoy pero bumalik ulit sa mataas na lagnat. Alas-dose ng gabi isinugod na ni Labs sa A&E (ER kung tawagin sa Pilipinas).

Mga alas-kwatro ng umaga sila naka-uwi. Ang findings...stomach flu! Hay naku, suki ng stomach flu ang mga anak ko. Wala namang naiba sa kinain namin. At si Kenkoy lang ang nagkasakit sa amin. Siguro hindi naghugas ng kamay sa school bago kumain. Baka nahawaan sa school.

Binigyan si Kenkoy ng gamot. Half-dosage ng paracetamol na pang-adult. Tumalab agad. Naka-isang tablet lang sya gumaling na. Plus hydralyte. 3 days ang MC nya (sick leave) pero 1 day lang ang magagamit. Magaling na rin naman kasi. Sabi ko iuuwi nya lang sa bahay ang schoolwork pag di sya pumasok. Gagawin nya rin sa bahay. Eh mabuti naman na ang pakiramdam kaya papasok na sya bukas.

Hayyy, salamat naman sa Diyos at gumaling din agad si Kenkoy. Sana wala nang magkasakit sa amin.

Ang gastos pa naman. $200+ (Php7K) na agad ang bayad sa A&E. Pero buti na lang permanent resident kaya may subsidy from the gov't. Naging $100+ na lang. Pero mahal pa rin *kurips mode*

Migraine Attack

Sakit ng ulo ko. Parang sasabog :(

Health Screening Results

Tapos na ang annual health screening test sa school nina Kenkoy. Kanina naibalik na ang health record book nya. Masaya ako at 20/20 pa rin ang vision ni Kenkoy. Normal din ang weight nya. Yun nga lang... same pa rin sa dati... short sya for his age :( Mana sa height ko :(

Sana this year ay bigla syang tumangkad. Yun ang isa sa goals ko for this year... maging malusog, tumaba at tumangkad ang dalawang Kenkoy. Sana matupad. Help me, Lord. Thank you po :)

Stomach Flu

Salamat sa Diyos at magaling na si Kenkoy II :) Hindi na loose ang poop nya. Mga ilang araw na syang hindi sumusuka at mga ilang araw na rin bumalik ang magandang appetite nya. Mga 1 to 2 times naman ang pag-poop nya pero loose pa rin. Kanina lang nag-normal ang lahat. 12 days din ang inabot. Ang laki agad nang ipinayat nya :( Pero salamat sa Diyos at gumaling na si Kenkoy II. Medyo bumabawi na rin ng timbang. Nagkakalaman na ulit ang pisngi :)

Labs' 1st Fun Run

First Fun Run ni Labs kanina. 7km (maigsi lang para sa mga professional runners). Pero dahil hindi naman talaga sporty si Labs eh sobrang happy ako sa new achievement/new hobby nya. Sana magtuloy-tuloy ang pag-jogging nya at pagsali sa fun runs para may exercise sya.

At sana ako rin makasali next time. Kahit dun lang sa 1.5km para kasali buong pamilya. Sabay kami nina Kenkoy at Kenkoy II na tatakbo. Ang ganda lang kanina, ang daming batang sumali. Family bonding activity.

Nainggit nga si Kenkoy kanina. Bawal sya tumakbo eh dahil sa heart condition nya. Sana dumating ang panahon na maging 100% ok na ang heart nya at magka-go signal na from his pedia-cardiologists na pwede na sya tumakbo.

Diet

Tumataba daw ako sabi ng karamihan kaya desidido akong magpapayat ngayon. Nililimitahan ko ang pagkain ko at naka-tummy binder ako lagi. Ang hirap ng may lahing mapuson *haist* Para akong buntis lagi... parang 3 months preggy :( Sana maging successful ang pagpapaliit ko ng puson.

Minor Accident

Makakatulog na rin sa wakas ;)

Alas-tres ng umaga kinailangan naming pumunta sa hospital. Nagka-minor accident si Labs. Di na raw nya kaya ang pain. Binigyan si Labs ng pain reliever. Tapos physical exam at x-ray. Ok naman, so far, ang findings. Wala namang fracture. Tatawag daw sila pag may nakita ang specialist na fracture sa x-ray result. Sana nga walang fracture.

Nag-McDo breakfast kami :) At nung papauwi pala kami may nakita kaming tatlong kabataang lalaki na tinatanong ng dalawang pulis. Siguro tinatanong sila kung ano ang ginagawa nila sa labas ng dis-oras ng gabi.

Ayun lang. Mabalik kay Labs, 4 days MC (sick leave) ang binigay sa kanya.

Sobrang Init

Ito ang sagot sa sobrang init ng panahon ngayon...


Grabe ang init ngayon. 35C daw. Naliligo ako kanina sa pawis. Walang epekto ang pag-shower. Buti na lang naka-leave si Labs. Bumaba sya para tumingin-tingin ng electric fan. Baka tumaas na masyado electric bill namin kung io-on ko na naman ang aircon eh.

Ang lakas ng hangin nitong new fan kasi aluminum ang blade. Ayos! Delikado nga lang kay Kenkoy II kaya doble ingat. Umayos na rin ang pakiramdam ko mula nang mabili ito. Baka sa init ng panahon yung panghihina ko. Baka senyales na pala ng heat stroke yung nararamdaman ko lately eh hindi ko pa alam.

May Sakit Na Naman

Kabilin-bilinan ko kay Kenkoy ay alagaan ang sarili. Bawal kako sya magkasakit kasi malapit na ang 2nd term exams nya. Di kako sya pwede mag-absent.

Ayun, at ako ang nagkasakit. Nung Wednesday, pagkagising ko ay parang nasusuka na ako na nadudumi. Di ko mawari. Pero ok pa ang body temperature ko. Pumasok pa si Labs sa office. Mga 9 am, tinawagan ko na si Labs. Di ko na kaya. Umuwi rin naman agad si Labs. Mga 10 am nandito na sya sa bahay. Sya na sumundo kay Kenkoy sa school at sya na nag-alaga sa dalawang bata.

Twice ako sumuka. Tapos kinagabihan ay may lagnat na ako. Uminom lang ako ng Bioflu. Nawala rin agad yung lagnat ko.

Thursday, pumasok na ulit si Labs sa opisina.

Ngayon, medyo kaya ko na sarili ko pero di ko pa rin mawari. Walang lagnat. Di na ako nasusuka. Pero nanghihina pa rin ako at naliliyo. Sana gumaling na ako dahil mag-aaral pa kami ni Kenkoy.

*****
ps 100% sure na hindi ako buntis.

Sweet Temptation

Fave ko...



Pasalubong ni Labs. Ang sweet nya 'no? Hee hee!

Kaya lang kung kelan naman nili-limit ko ang sweet intake ko. Hehe! Nakalimutan nya daw na umiiwas na ako sa sweets. 2 days na akong water lang. Di na ako naga-iced tea. Mahilig kasi ako sa sweets. Eh last Sunday may nakakwentuhan kaming Filipina sa Parish. Nabanggit nya yung isang symptom ng diabetes. Nararamdaman ko na yun last year pa. Natakot naman ako na baka nga mauwi sa diabetes. Wag naman sana. Kaya eto ngayon hinay hinay na ako sa matatamis.

Sleeping Problem

I need help. Paano ba matulog na di iniisip ang mga pending na trabaho o ang mga dapat gawin kinabukasan? Nakakainis kasi nasasayang ang oras ko sa paikot-ikot sa kama ng mga isa hanggang isa't kalahating oras bago pa ako makatulog. Iilang oras na nga lang ang maitutulog ko, sabihin na nating limang oras, tapos mababawasan pa ng isang oras. Nakakapagod at nakaka-stress na pagod na pagod ka na... gusto mo na magpahinga... pero di ka makaulog :(

Isa pang nakakainis ay hindi ko masabayan sa hapon ang tulog ni Kenkoy II. Dahil nga sa tagal kong makatulog eh gising na sya bago pa ako makatulog. Wahhhh! Nakahiga lang ako. Nakapikit. Pero gising ang diwa. Hayyyy!

Inggit ako kay Labs na isang minuto lang pagkahiga ay tulog na. Gusto ko ng ganun. Gusto ko na magpahinga. Paano ba yun? Sabi ni Labs i-clear ko daw ang mind ko. Di ko naman magawa. Naiisip ko ang mga gagawin ko. Isa pa conscious ako sa oras. Natatakot akong mapahimbing ng tulog dahil baka di ko marinig ang alarm... male-late si Kenkoy sa school. Paano kaya ito? Tulong naman po. Baka may maipapayo kayo. Salamat.

Flu

Kagagaling ko lang sa sakit. Cough, colds, headache, muscle pain & sore throat. No fever naman pero grabe yung headache. Uminom na ako ng pain reliever pero ang sakit pa rin. At first time kong mawalan ng boses. Grabe talaga. Hindi na nga ako nakapag-simba kasi di ko kaya. Kayanin ko man eh naisip ko baka may mahawa pang iba kaya di na rin ako sumama kina Labs sa pagsimba. Buti na lang weekend ako nagkasakit kaya nandito si Labs para maalagaan ang mga bata.

Thank You Lord for healing me :)